عذب القصيد

حمد بن عبدالله بن ثلاب الهاجري
سما عذب القصيد وعانق القمرا
وجرّ الصوت نسناسٍ سرا ليله
خذا من بين ضلعان الحشاء مجرا
وزان الشاعرك جنيَت محاصيله
اجيك امن الوله طربٍ على المسرا
على جالك مولمـتٍ معاميله
هجوسٍ ساقها التقدير وانت ادرا
بعد طول المفارق جاريٍ سيله
تحدر وارتوى الضميان وانت اقرا
قصيدة شاعرٍ تطرب مواويله
يعسف امن المهار الندر الشقرا
روض كل طرفٍ زاهيٍ ميله
يهيم ابكل واد ان هبت الذكرا
صحا جمر الغلا واشعل قناديله
يا ذعذاع النسيم ابروضةٍ خضرا
بعـد ليـلٍ امداعبته هماليله
خذا منك الصباح اشروقةٍ صفرا
وخذيتي من عنا قلبي غرابيله
أهيم ومالقيت الا انـتِ لي مذرا
من هموم الزمان وقلّت الحيله
حبيبي والجروح اليا بطت تبرا
وجرحك طال واعيتني تعاليله
لاجل رمش العيون النعس الخدرا
يجيك احساس ما جفـت مناديله
يجيك امن الوله والشوق والحسرا
يردد هاجس الذكرى مواويله