لآلىء شعرية

هب الهوى غرب واجتاح الضلوع وشعرت
ان الليال الجميلة هب نسناسها
مدري كبر حلمنا والا بعيني كبرت
والا هي اوهام ودي يصدق احساسها
تنساني ايام وتجيني متى ما ذكرت
اليا متى وانت روحي حابس انفاسها

متعب التركي

يا مريض القلب مالك علاج إلا السماح
السماح علاج موصوف لأمراض القلوب
والحسد والبغض والله هي السم الذحاح
فتكها فالعالم اشد من فتك الحروب
لو ترى الدنيا غدت نهب بيدين الشحاح
لا تحسّف دام الانسان له رزق محسوب

عبدالله الطلحي

يا طبيب النفس وش هو علاج الاكتئاب
اعطني وصفة علاجه ترى وضعي خطير
عشت في غربة حقايق وفي وضع اغتراب
والتجارب عرفتني على الشي الكثير
شفت ناسٍ ترسم الورد في صدر الغراب
والغراب أليا بغيت ألمس الوردة يطير

عيد بن مربح

همس لي بصوتٍ ناقل الهرج ما يوحيه
بيومٍ مبارك جا للاقدام ماجت له
ضحك لي حجاجه وانكشف لي بعض خافيه
هرج لي وكنه يسرق الهرج ويختله
بعد ما نشدني ودّي آخذ معه واعطيه
نسيت الحديث وقمت احييه وانصت له

ضيدان المريخي