أجمل أعيادي

سعود الشبرمي

صدقني عاذرك بس العيد اسمح لي
ماني بعاذرك كمّـل أجمل اعيادي
يكفي جفاف السنين وبهذلة نحلي
يا سكر العمر رد العيس للحادي
من شاهي الود لو كاسين فـوّح لي
كم لي عن الورد والنعناع والكادي
لا جيت مشـــتاق لا تـحتار روّح لي
من قال لـ «السيل» وش حدّرك للوادي
شطبت الالوان من خبلت بالكحلي
وبهذلت الايام من وثقت ميلادي
تشرح لي العيد وإلا العيد يشرح لي
يا فرحة العيد هات العيد لعيادي